آلـــ س ـــلآآم عليكم ورحمه آللهقصيده رآأئعه وجميله للشآعر الجميل وآلمتجدد خ‘ـآلد آلمخيدش ..~ 
آتمنى آن تنآل على إع‘ـجـآبكم جيتن هلابك وراق البال بأسبابك..
ماجابك الحظ لكن الغلا جابك..
جيتن من الشوق تسرق خطوتك يمي..
غلابي الشوق يالمترف وغلابك..
أدري بقلبك كلام ٍ مابعد قلته..
لكن عرفته من السلهام بأهدابك..
أهلا هلابك عروق القلب لك عطشا..
حياك والصدر مدهالك ومشبابك..
أسق المحاني بحب ٍ مابعد ذقته..
ضميان وأرسلك ربي تروي أحبابك..
صحيح ماني ولد عم ٍ خليصن لك..
لكني أقرب كثير من أقرب أقرابك..
أقرب من أمك وأبوك بنفسي الولهى..
وألطف من العطر لامن لامس ثيابك..
وأرفق من الكف لامن كحلت عينك
وأصدق من النفس لامنه شكت مابك..
تعال يابهجة الأيام وأطربني..
تعال شوف المجامل ويش سوابك..؟؟
خلاك تعشق ولكن تخفي أشواقك..
وخلاني أموت من فرقاك وأحيابك..
تعال وأنفض غبار الوجد عن قلبي..
وأقرأ قصيد الموده داخل كتابك..
مافيه حرف ٍ كتبت ألا وهو يمك..
وفي كل شي بحياتي حاسب أحسابك..
لأنك معني هجوس القلب من مده..
وطيفك إليا مر يشقى بي وأنا أشقى بك..
كم ليلة ٍ مر وأزرى لا ينومني..
ياما سرى بي ووقفني على بابك..
واليوم جيتن هلابك يابعد حيي..
أرفق بحالي من اللي صار بأسبابك..
أدري بك أنك مولع يالغلا مثلي..
واللي جذبني بليا شك جذابك..
جيتن هلا وأبرك الساعات وأحلاها
ماجابك الحظ لكن الغلا جابك..
موضوع: جيتن هلابك وراق البال بأسبابك.. 
السبت نوفمبر 07, 2009 7:08 am
